Bretagne Passion le forum 100% Breizh
|
| | Rimadellou....... | |
| | Auteur | Message |
---|
Invité Invité
| Sujet: Rimadellou....... Jeu 21 Fév - 11:19 | |
| Ici on trouvera un bon ensemble des rimadellou......
Attention! il y en a pour longtemps!
RIMADELLOU
Da beb deiz e labour, da beb deiz e drevel Evid mont d'ar bed all, n'eus daou a vo heñvel.
Da beb sant e houlou Da bare kleñvejou.
Da eun den 'zo leun a spered Eur wreg a skiant gwella ' zo red.
Dale en iliz pe chom heb rei kerh Ne ra da zen beza warlerh.
Da lavared eo, c'est à dire Bleo e-neus med n'int ket hir. (N'eo ket dibourvez an den,med netra re!)
Dalh da zaouarn, da zaoulagad, Dalh da galon war an tu mad.
Dalh da varh en e speurenn Pe m'her laoskez hual-henn krenn.
Daou bried 'zo eüruz mar dint daou spered êz. En em gared a reont, noz-deiz,en ti hag er mêz.
Daou wir bried ha daou vignon O-deus eur feiz, eur galon.
D'ar vugale gwella madou 'zo oberou mad o zadou.
Darn gwirionezioù 'zo evel madigoù Kenkoulz 'vid ar re goz hag ar vugaligoù.
Darn a ouel, darn all a gan Ar bed a zo dudi ha poan.
Darn 'zo tud fur diouz o gweled Ha tud diskiant anavezet.
Dastum nerz an den a dle 'vid kemered hent an neñv.
D'ar wreg yaouank bara boug ha poaz Ha kreuñ mên da zent koz he gwaz.
Diouz ar mestr ar mevel,diouz ar vestrez ar plah Lost ar hi a fistoul, paour kêz digor da zah.
Diod a zispak ar pez a oar Ar fur a hed,gér ne lavar.
Deus'ta,heol benniget Da domma korv an domestiked.
Diouz an aluzenn, ar bedenn Eh anavezer ar hristen.
Diouz ar galon e komz an ene Med lavared gaou mad e kavje.
D'ar wreg vad,gwella gouiziegez 'zo gouzoud ren he ziegez.
Da wreg, da vignon,va den mad Na lavar gér ma n'eo deread.
Da zond da gaoud bugale Pa vez pedet Doue, ne zale.
Atao eo red diskoultra Gwezenn yaouank 'zo da eeuna.
Den touellet gant ar merhed Ne gav peoh nag ehan ebed.
Den diskiant ne dle ket mervel Dorn Doue a astenn d'e zevel.
Den yaouank karget a ziegi A zastum poan war benn e gozni.
Den ouz maouez n'hellfe mired Na ray he fenn, Doue n'her mir ket.
D'he fleg e teu ar wezenn gamm Hag an den fall ivez d'e namm.
Deskadurez d'ar vugale A zo gwelloh eged leve.
Didamall e kavom Faziou neb a garom.
Diêsa tra 'zo da zivoaza Eun intañv hag eun intañvez Eur pemoh bet war ar barrez.
Digarez dastum teil, lorh,brud vad ha leve An dud,kalz anezo, gas da goll o ene.
Dibaot ozah fur ha gwreg vad Na zavfe buannoh en o stad.
Diou skeul a gas d'an neñv euz ar bed-mañ kristenien Unan eo an aluzenn Hag unan all ar bedenn.
Dre ré vraz tristidigez A lakje ahanoh dïêz Rag, a-viskoaz eo bet erruet D'an neb a gar beza disprizet.
Da veza kendalhet.... |
| | | Invité Invité
| Sujet: Re: Rimadellou....... Jeu 21 Fév - 13:06 | |
| Continuons.....
Diou galon a hell kared a-bell Pa vezont tost e karont gwell.
Diouz al labour diweza E vez barnet ar re genta.
Diouz peb troad n'eo ket mad peb botez Na da beb gwaz mad peb maouez.
Diouz ar vamm kemerit ar verc'h Evid m'ho pezo keuz warlerh.
Distro da vignon diouz an droug Evel da houzoug diouz ar groug.
Divergla 'ra an houarn en tan An den n'eo ket den araog kaoud poan.
Diwezad pe abred Ar goañv a zeu bepred.
Doue bepred ho tiwallo Diouz kig ejen sall heb sezo Diouz ur mevel had ho laëro Ha diouz eur wreg hag en em ginklo.
Doujañs da Zoue a zigor furnez Hag eienenn an dour a vuez.
Diouz a reoh d'ar re all A hellit da hedal.
Diwar traou dister ' sav trouz aliës D'eur spered droug eo diëz gweled ar wirionez.
Dizeür eo an den a ankounac'ha Ar mod a vez bet greet evitañ.
Dre glask pignad re uhel Aliëz e kouezer izel.
D'ober eun dro er bed eo degaset peb den Gand peadra a-walc'h da baea e skodenn.
An den yaouank da fall pa 'za Ne wella ket evid koza.
Gand an amzer ez a ar gened; Ar vadelez a bad bepred.
Gand kolo hag amzer E teu boug ar mesper.
Gand an amzer ha dre bilbaza E reer hent ar gwella.
Glao da houlou deiz Ne zalh ket betek kreisteiz. (Da veza kendallhet...) |
| | | Invité Invité
| Sujet: Re: Rimadellou....... Jeu 21 Fév - 15:30 | |
| RIMADELLOU .
Daouarn tomm, kalon yenn N'eus karantez evid den Daouarn yen, kalon tomm En deus karantez evid an oll.
Bizig bihan,laouenannig Ma lavarez geier ez i d'an tanig.
Marh a Nonna A ya da Vrest, dizouarn ha digabestr Dre an drein, dre ar vein Lakait Jobig war e gein Ha Laouig war e lost Ken avanso dreist ar post.
Hemañ e-neus paket ar had (biz meud) Hemañ e-neus e higned (biz yod) Hemañ e-neus lakeet 'nei er pod (biz braz) Hemañ e-neus bet e lod (biz gwalenn) Hemañ n'e-neus bet tamm ebed.(biz bihan).
Mari-janig a blij din Kalz a labour a ra din Goro ar zaout O has er-mêz Terri ar bodez Skuill al lêz.
Nij, nij diwar beg va biz (evid buohig Doue )
Eul labousig 'zo er hoad Melen e ziouaskell Hag a ziskenn bep mintin War gornig va mantell.
Hei! hei! bouchig E peleh ema da barkig Pe a bell, Pe a dost, Deus d'ar ger Araog an noz
An heol o para Ar glao o kaillara Lost ar hillog o tiverra Mari vraz a lavare Pa vije glao e timezjz Glao a zo, glao a zo bet Mari vrao ne zimez ket.
Mari Kantalari Kas ar zaout da beuri Da bark an ostelari Serri ar glaoued Gand eun taol bramm D'an daoulamm.
Sant Thegonnegadennon Ha ne zizantegonnegadin ket (da lavaroud buan deg kwech)
Da zul ar c'hazimodo E vez torret ar hoz podou An dud eet d'o goueliou Ha me warlerh al leueou Al leueou d'an tan, Ha me warlerh ar vran Ar vran d'he neiz Ha me warlerh ar bleiz Ar bleiz d'an ti Ha me warlerh ar hi. Ar hi kollet, Kavet adarre e stern an daol O tebri kig ha kaol Digand Mari-Baol.
E Noz Nedeleg ne gousk den Nemed an touseg hag an den.
Pedenn diouz an noz ar pillaouer Tremenn pater, tremenn ave Ha te credo, tremenn ivez Me a ya, en eul lamm,d'am gwele.
Heb karantez,krog mad er stur Mond da zimezi ne ve ket fur.
Heb karantez hag heb furnez Ne ve ket eüruz priedelez.
Heb eur begad pebr hag holenn E vez meurbed goular ar zoubenn Evel-se,ma n'ho-p'eus bemdeiz Nemed poan hag enkrez E vo divlaz ho terveziou Red eo plijadur a-wechoiu.
Hemañ eo mestr an dud A gas ar hillog hag ar yer d'o hlud.
An heol o para Ar glao o kaillara Lost ar hillog o tivera.
Ma 'n em garez re da unan Gand ar re all az pezo poan.
M'hen douete ,eme ar hernev Oa halet ar vuoh, p'e-noa gwelet al leue.
Pa vez sehor e houlenn glao Eun dra bennag a vank atao.
E stad a zo da beb unan Darn a labour, lod all a gan.
Sonit'ta,sutellou, Gwerz ha rimadellou Hadit joa ha levenez E kerhenn eur bed nevez.
Sant Tomaz Ne gredas Ken na welas.
Selaouit mad hag e klevoh gwell a ze Nemed unan bouzar bennag a ve; Ar re 'zo luch pe zall A gaso kelou d'ar re all.
An hini a espern e zehed A espern e yehed.
Soubenn an tri zraig Dour ,holenn ha baraïg.
Tra kuz da dri neb a lavar A-benn nemeur an oll her goar.
Tad ha mamm a zilez bugel A zo daonet a-raog mervel.
Tïez an dud pa gouezont'vez savet N'heller ket nevezi ar gened diskaret.
Teir zizun e Meurz,teir zizun en Ebrel E vez ar gougoug o tond euz a vicherel Teir zizun oh ehana Ha teir zizun heb kana.
Tremen er bed a ra an den Evel an êr eur vogedenn Trehit hirio ho poaziou fall Warhoaz o-do staget re all.
Trizeg evid dousenn Kont ar viou e Lezneven.
Peb hini e-neus e di darn o-deus daou pe dri.
Pe win koz,pe ae arhant louet 'Zo ,a gav din ar gwella boued.
Perag 'Zo stag, Perakez 'Zo eur giez Am-eus lavaret dit alïës.
Pla!plas!Plas! D'an aotrou ha d'e jas.
Plah ha mevel A goll bugel.
Plah a gar he brud vad mired Ne dle ket henta re ar wazed He holl a ray en desped dezi Ma' z a ganto d'an ostelari Ha pa ne evje nemed kafe E vo kavet evévérez dre zi.
Prena keuneud 'zo re ziwezad Pa vez red c'hweza er bizied.
Pren er foar ha gwerz en da di Ha souden madou a zastumi.
Primoh e vrera ar houlaouenn Pa vez enaouet ouz an daou benn.
Kalon an den a zo c'hoantuz P'e-nevez bet gwenn e houlenn ruz Pa vez sehor e houlenn glao Eun dra bennag a vank atao.
Rei eur ger mad da eun den fall 'Zo sila mell war gig sall.
Re skrabad a boaz Re brezeg a noaz.
Red eo da yun du tinell kaer Beza pinvidig pe laer.
Hirio ema ar yaou Echu ar zizun nemed daou.
Yehed mad d'an oll Ar banne-mañ 'zo vond da goll. |
| | | mul Breton acharné
Nombre de messages : 1966 Age : 42 Lec'hiadur/Localisation : Brest Date d'inscription : 29/05/2006
| Sujet: Re: Rimadellou....... Jeu 21 Fév - 15:33 | |
| c'est quoi des rimadellous ? des rhimes ? | |
| | | Invité Invité
| Sujet: Re: Rimadellou....... Jeu 21 Fév - 15:36 | |
| C'est quoi des rimadellou? C'est ce qui est écrit sous le mot "Rimadellou"
RIMADELLOU (KENADLAC'H)
SEVENADUR AR GEIZ.
Pa vez klevet ar ran e penn ar prad Eo poent d'an douar kaoud e had.
Pa vez an douar leun e gov gand an dour E teu bepred ar glao da jom a zav.
Labour evel eun den hag a vevo kant vloaz Ha ped evel eun den hag a varvo warhoaz. (Krenn-lavar euz bro Serbia.)
Morse tamm avi n'am eus bet Ouz eun dra n'anavezen ket. (Ignoti nulla cupido)
C'hwez vad a zo gwelloh eged trouz arhant.
An den yaouank,da fall pa'z a Ne wella ket evid koza.
Red eo terri ar graonenn Evid kaoud ar vouedenn.
An hini ne zeh ket e bal A dle beb ar mare sehi e dal. (An hini ne baouez ket e bal da labourad).
An neb a gign e vaout er bloaz-mañ A vo kuit, da vloaz,d'hen touza.
Evel ma vije kavet er hériou Ar mell da lipad ouz ar mogeriou.
Ar yar a goll he vi O kana re goude dozvi.
Arrabad kana araog dozvi.
An hini a zalh an askorn e yelo ar hi war e zorn.
An den yaouank en diegi A zastum poan 'vid e gozni.
N'eo ket en e gerniel eo kemer an taro Mond war-eeun d'ar bleiz a ve mond d'ar maro.
Na c'hoantait ket re Dipit fall ho pije.
N'e-neus na ti nag aoz (Galleg: Sans feu ni lieu)
Heb feiz na reiz (Galleg: sans foi ni loi).
Deus 'ta heol benniget Da domma korv an domestiked.
Gwir garantez da heul yehed A zo gwrizienn ar gwir eurusted;
Neb e-neus kalz a vugale A diz dezo bale Neb n'e-neus nemed eur pennheoo Tremen dioutañ eo e breder.
El leh m'edo an ero er bloaz-mañ E vo an nant er bloaz a zo. (N'eo ket atao gand ar memez re e vez an tu gorre)
Gand kolo hag amzer E teu boug ar mesper. (An traou a houlenn amzer da zarevi)
Anez ar gwin hag ar merhed Ne ve ket kalz a drouz er bed.
E-barz en eun tiegez N'eo ket ar goantiri A laka ar pod da virvi.
Pa glasker noazout d'an hentez E kaver mad peb digarez.
Evid ar glao a ra Koulz ne raje netra.
Eur restad mad a zo mad da gaoud.
Kant bro,kant giz, Kant parrez,kant iliz Kant marhadour,kant priz Kant maouez,kant hiviz.
Dibaot al labour a vez greet mad Pa vez paeet araog m'eo greet.
N'eo ket diouz o ment,C'hwi'oar E vez gwerzet ar roñsed er foar.
N'eo ket eur welienn a ra an hañv Nag eur barr-avel ar goañv.
Beza e heller ha beza bet Beza atao n'heller ket.
Beza berr ha teo N'eo ket beza bihan eo. (dibourvez en eun doare e heller en em bakan en eun doare all.)
Da lavaroud eo: Bleo e-neus Med n'int ket re hir. (N'eo ket dibourvez ar paotr,netra a re n'e-neus avad)
Krenna skoulm A zeuer a-benn anezañ. (Kemend kudenn a heller dirouestla)
Neb a bae e zle A zastum leve. (Galleg:Qui paie ses dettes s'enrichit)
M'hen tou, eme Herve, 'oa halet ar vuoh P' en-doa gwelet al leue. (N'oa ket diez dezañ gouzoud)
Peb mor a zo gantañ tre ha lano Chal ha dichal Gourlennn ha daere. (Peb planedenn a zo ganti, tro ha tro, tu plijuz, tu displijuz)
Ma rank mond da fall dre he zeod N'eo ket prest da vankout c'hoaz. (Diwar benn eur vaouez ha ne baouze ket da gaozeal).
Biskoaz fri bras N'e-neus dizonoret fas.
Eur marichal koll e domm (eur marichal diampart) A lez an houarn da yena, e-leh e hoveleiad.
Pa vezer boazet da gaoud soubenn vad Eo dïez goude-ze,gouzañv soubenn fall.
Nemed ha c'hoant ho po da yun Prenit ho korn diouz ho putun.
An ibil ar falla A wigour da genta. (an hini a lak an nebeuta e boan, a vez o klemm da genta.)
An tamm hag al lomm A zalh an den plomm. Al lomm heb an tamm A ro d'an den lamm. |
| | | Invité Invité
| Sujet: Re: Rimadellou....... Jeu 21 Fév - 15:40 | |
| LAVARIOU KOZ (echu)
Den yaouank karget a ziegi A zastum poan war benn e gozni.
Red eo d'an den n'e-neus netra Labourad tenn e-leh gouela.
Matez nevez da di pa zeuio Kement ha teir a labouro.
Ki besk ha kaz diskouarnet N' int mad nemed da zebri boued.
Al louarn kousket Ne zeu dezañ tamm boued.
Neb ne laka ket e boan hag e aked Ne-nevezo na madou na boued.
Kousket ha leina A zo heveleb tra.
N'eo ket bleo melen ha koantiri Eo a laka ar pod da virvi.
Evid paka louarn pe had Eo red sevel mintin mad.
Dibaot ar yar na goll he vi , O kana re goude dozvi.
Ne dalv ket ar boan sutal Pa ne fell ket d'ar marh staotal.
Eur marh glaz a vezo lazet A-raog ma vezo skuizet.
An hini ne zeh ket e bal A dle, heb mar,seha e dal.
Laerez an amzer, ar boued Brasa pehed ' zo er bed.
Gand ar boan hag an amzer A-benn a beb tra e teuer.
Red eo gouzañv da gaoud skiant Ha labourad da gaoud arhant.
Dre balad soun Ez a ar hlaz doun.
Neb a labour c'houeg a galon Ne varvo biken gand an naon.
Bezit fur Hag ho po plijadur.
Lein hir hag overenn verr A blij d'an dud dibreder.
Labourit pa gousk an dibreder Hag ho po ed leun ho solier.
Labourad heb klask meuleudi Zo labour vad dreist peb-hini.
Labour eun deiz a goll alïez Gounidou foun meur a vloavez .
Ar frouez gwella a-raog darevi A zo bet treñk,c'hwero,pud-ki.
Labour,mignon endra helli Pa vezi koz eh ehani.
An didalvez ne ve enouet Mar labourje evel m'eo red.
Gwreg a labour he fenn izel 'Zo a beb tu dezi,eun êl.
Ar gwella bara da zebri A vez gounezet o hwezi.
Gwreg a labour en he zi Ne vez ket kalz ano anezi.
An aour melen a vez rannet Hag ar garentez ne vez ket.
Gwelloh karantez leiz an dorn Eged aour melen leiz ar forn.
Ha pa veh ken du hag ar mouar Gwenn kann oh d'an hini ho kar.
Ar bleunig a dro wechouigou Karantez ar plah a dro atao.
Eun amzer mad a zo gwell Eged na deo kerent a-bell.
Rei d'ar paour an aluzenn alïez Ne zisterras biskoaz an danvez.
En em gared heb kared den A zo beza ar falla loen.
Kared an oll ha labourad A laka eüruz e peb stad.
Kalon ar wreg 'zo eun delenn Hag a zon kaer pa gar eun den.
Kared arhant 'laz peurlïeusa Ar garantez ouz an nesa.
Roit aluzenn d'eun den paour Ha pa ve ho prasa enebour.
Pa rooh, mignon e vezoh Den fall avad pa houlennoh.
N'eo ket an oll evid kared Kalonou 'zo 'vel mein kaled.
Paour pa binvidika Gand ar vrasoni a ya.
Beza paour ne deo ket pehed Gwell eo kouskoude thed.
Paourig pa binvidika Gand an diaoul a ya.
Red eo da houarn tinell gaër Bez pinvidig pe laer.
Eun ti kaer neb a zavo A gavo buan e yalh goullo.
Ar madou a deu dre an hent fall A zo dïez meurbed da ziwall.
Neb e-neus arhant hag a ro E-neus mignoned e peb bro.
Ar madou braz,an enoriou Euz ar zent a ra diaoulou.
An danvez dastumet gand a rastell A yelo buan gand an avel.
Biskoaz ano mad ha gounid braz Er memez sah ne gavas plas.
Paourentez a dosta e-kuz Ouz kegin lipouz ha re zruz
Tenna heb lakaad Berr e pad.
An hini a espernas A gavas.
Dibaot den a binvidika Oh ober gaou ouz e nesa.
Gwell eo deski mabig bihan Eged dastum madou dezañ.
Ha pa veh euz gouenn ar hi M'ho-peus arhant, deuit en ti Ha pa veh euz gouenn Doue Ma n'ho-peus ket, it alese.
El leh ma tro tre ha lano E hell peb den lakaad e ano. (An dachenn zouar-se n'e-neus perhenn ebed.)
Eur goz votez bet er vouillenn Dre gaoud madou, a gav perhenn.
D'ar vugale,gwella madou Eo oberou mad o zadou.
Deskadurez d'ar vugale A zo gwelloh eged leve.
Gand doujañs Doue heb kaoud madou Eur verh 'zo kaer he argourou.
Arhant'zo gand poan gounezet Ne dle ket beza gwall zispignet.
Da da re biz, mab re foran Paourra vezo e vab bian.
Madou beleien ha bleo ki Pe da dra e talvezont-i?
Esoh e tremenfe eur hanval dre graouenn eun nadoz Eged ne dafe eun den pinvidig d'ar baradoz.
Keuneud gleb ha teil loued 'Gas eun ozah da glask e voued.
Ma teuje meurlajez teir gwech ar bloaz E lakavje an dud daredeg en noaz.
Eur plah skañv ha redéréz N'eo ket mad da ober tiegez.
Eun orgeder braz pa zimez Gred dezañ beza greet ar gwella devez Hag a-benn daou pe dri miz goude Beza dizimez c'hoaz a garje.
N'eo ket skiantuz-braz an hini A ro d'unan all kuzul da zimezi.
Gwelloh eo kalz beva er hoajou Ha kaoud eno peoh ha madou Eged na ve tremen ar vuez Gand gwreg ebed mar deo follez.
Eur penn-her hag eur benn-héréz A ra alïez gwall diegez.
Gwelloh eo dimezi merh Eged kaoud anken warlerh.
Dibaot lez-vamm a gar ive Bugale all keid hag he re.
Peleh e kavoh-c'hwi gwreg vad? D'an neñv e ranker mond d'he herhed.
Eul louzaouenn a zo er prad A reer anezi huanad. Dimezit hag ho po anezi.
An dimeziou greet a-bell N'int nemed touriou ha kestell.
An dimeziou a ziabell A halv eun tiig eur hastell.
Eun den yaouank ha pa zimez A wel an aour e lein ar gwez.
Esoh dimezi Eged sevel ti.
An ozah da ziweza a dle mond da gousked Ha gweled mad araog hag e zor a zo prennet.
Dïesa tra' zo da zivoaza eo intañv hag intañvez Hag ar moh bet war ar parrez.
Evid ar glao a ra Koulz ne raje netra.
An dogan hag a oar A ya war-eeun d'ar hloar Eun dogan ha ne oar ket A ya d'an ivern d'ar red.
Eul lez-vamm vad,karentezuz A zo bet er skol gand Jezuz.
Da wreg vad,gwell gwiziegez 'Zo gouzoud ren he ziegez.
Gwreg a labour 'vid tud he zi Ne glever tamall anezi.
Gwelloh eged aour ha gened Eur spered êz da beb ppried.
Eur wreg fur hag hi divalo 'Zo dreist ar gaerra gwreg a zo.
Eur verh barveg,rog ha figuz Ma timez ne vo ket euruz.
N'heller ket: siwaz, nevezi Beg eur plah koz ' vel tal eun ti.
Den nemetañ ,evel al laboused Uhel en êr ,ne oar kahed.
Biskoaz den gand naon braz Tamm bara fall ne gavas.
Gwaz mezvier ha gwreg a c'hoari A skarz buan madou an ti.
Neb 'zo e vignon d'ar gwin mad 'Zo enebour da vab e dad.
Bez atao kuzet ouz eun den mezo Rag ar pez a oar,an oll her gouezo.
Goullo e gov ar bourhiz a vramm Leun e vuched e vreugel Yann.
An hini a veze e gras ar merhed Ne-nevez na naon na sehed.
Peurvuia ar gwin a laz muioh a dud Eged na bare yac'haer gand e oll vrud.
Eur wreg a zo boazet da eva A beb hent all ne dalv netra. Ouz peb lealded e serr dor Hag ouz peb behed e tigor.
Evid debri eun aval poaz Ne vezoh na gwell na gwaz.
Lak ar hig er pod, An tan e-nevezo e lod.
An tamm hag al lomm A zalh an den en e blomm. Soubenn an tri zraïg Dour, holenn ha baraïg.
Eur verh hag a red er horollou Eul loen anavezet er foariou Ne gavont ket kalz a chañsou.
Eun den ever,eur vaouez lipous A gousko,kent pell,war ar plouz.
Pa' z eo leun ar zah Ne da ket ken e-barz.
Ne zebran chevr na pleizenn Red eo mond da glask va nouenn.
Beva diwar dour sklêr Hag êr an amzer.
Tan,dour ha bara zeh A vez kavet e peb leh.
An hini a zebr avalou poaz Biskoaz askorn ne gahas.
Al lomm heb an tamm A ra d'an den kaoud lamm.
Reo gwenn er hresk Amzer gaer ha fresk, Reo gwenn en diskar Amzer gleb heb mar.
Pa vez an erh war an douar Ne vez na tomm na klouar.
Pa varv eur gerhenn gand ar riou An hini a jom a dalv diou.
Kelh loar diouz an noz Glao pe avel antronoz.
Glao da zul, Glao da lun Glao e-pad ar zizun.
Nedeleg seh ha Pask gleborroh A ra d'an arh beza barroh.
E miz mae,re glao bemdez Ha re nebeud beb eil devez.
Pa zao al loar a-barz an noz Hadit ar panez hantronoz.
Geñver a garg ar foz C'hwrevrer he dalh kloz Meurz gand e louadenn A zizeh ar wenodenn.
N'eo ket eun devez tomm a ra an hañv Hag eun devez yen ar goañv.
Gounit ouz diskar loar gwengolo Ne vez na greun na kolo.
Da gal-ar goañv ed hadit, Hag ivez frouez dastumit.
Kanevedenn diouz an noz Glao pe avel antronoz.
Bloavez c'hwiled ,bloavez ed Bloavez gwenan ne vez ket.
Pa vez an trouz-mor diouz Pennfoull E hell peb hini chom en e doull Pa vez an trouz-mor diouz an êlez E hell peb hini mond d'e zevez. (An êlez : Bourhadennig e-kichen an A ber-Vrah.)
Erh kent Nedeleg Teil er zegaleg.
Glao a draon ha glao a viz Gwas diou amzer a welis.
Mad eo selled en amzer vad A be du e hell dond barrad.
Reizennn manah a zo tenna Digand an oll heb rei netra.
Doue a gas ar hleñved kuit Gand al louzaouer ez a ar gonid.
Peb marhadour hirio an deiz A zo laerroh eged ar bleiz . Ar bleiz a laer eur penn-chatal Ar marhadour,loen,den hag all. Hag alïez ,ma n'eo ket gevier E laer Doue war an aoter.
Eur hemener ne daïo ket Neb tro en douar benniget Lak anezañ en douar kerh Ha chas ar barrez war e lerh.
Meur a yac'haer o-deus louzou Heb kavoud kalz a skianchou.
Kreñv eo roched ar miliner Paka,beb mintin eul laer.
Neb a lavar eur hemener A lavar ive eur gaouier.
Eur miliner laer ar bleud A vo daonet beteg e veud.
Ar mañsoner a gar an hini A zo ilio-red ouz e di.
Mond war varh d'ar foar Dond war droad d'ar gêr A zo ober evel eur zoner.
Tri deiz kaer,tri deiz glao A zalh ar mevel en e zao.
Eur hemener n'eo ket eun den Kemener eo ha netra ken. |
| | | Invité Invité
| Sujet: Re: Rimadellou....... Jeu 21 Fév - 15:42 | |
| Lavariou koz (echu).......
Er fourniou-red,er milinou E vez klevet ar helajou.
E stad a zo da beb-unan Darn a labour, darn all a gan.
Ar micherour a gar riotal d'al lun A zebr bara seh hed ar zizun.
N'eus den na tra heb e zi Alïez o-devez daou pe dri.
Eun den yaouank da fall pa'z a Ne wella ket evid koza.
War-hed eul leo, na dostait ket Ouz ar bleo ruz na gwreg barveg.
Gand an naon ha pa varjem Bara eul laer ne zebrjemm.
Beva a zo red Ha paea n'eo ket.
Ne ' z eus fall votez Ha ne gav he farez.
An dud rog a zav atao Eun droug bennag etrezo.
Penn eur vaouez a dro pa gar Hag alïesoh eged al loar.
Plah a gemer a zo gwerzet Plah a ro a zo dilezet.
En e grohenn al louarn a varvo Nemed e gignad a refeh e-beo.
Sellit ouz ho seuliou Hag e welit toull ho loerou.
Me a zo euz gouenn ar zili A gav gwelloh eva eged debri.
Neb a fell dezañ ober fall A gav eun digarez pe eun all.
Kaoud lez-vamm vad ne ve ket dïez Ma ve kristen an oll gwragez.
Bugel moumoun ha re lezet A skoio gand mamm ha tad abred.
Beza eüruz ' zo beza mad Kaoud madelez a zo ebad.
Den touellet gand ar merhed Ne gavo peoh nag ehan ebed
Bepred didalvez A gav digarez.
Gwentr, bleo gwenn ha lunedou Ne blijont ket d'ar merhedou.
Ne zebran na chivr na lizenn, Red eo da glask va nouenn.
Kenta rebech a ra kakouz Da gakouz eo kakouz.
Askorn torret, bronn goret Gwasoh eged ar gwerbl n'eo ket.
Klañv e oa Fañch pa varvas Ha yah pa glañvas.
O rei d'ar horv e houlennou E teu dezañ gwall gleñvejou.
Eur gouli hag a ve kiget A lez ar hrohenn kleizennet.
An den diskiant atao a gred E ve an oll diskiantet.
Pa vez ar boan en he gwasa 'vez tost ar gor da ziskarga.
O klask euna he gar d'e vamm He zorret e-neus e daou damm.
Kant bro,kant giz Kant parrez,kant iliz Kant maouez ,kant hiviz Nemed ha ma ve unan heb hiviz.
N'eus netra ken iskiz Hag eur baz war gein eur wiz.
El leh ma staot eur hi E staot daou pe dri.
Da Zul ar bleuniou kaonta 'r viou Da Zul Fask,terri o fennou Da Zul ar Hazimodo, frika ar hoz-podou.
El leh ma kah eur marh Atao e kah.
Etre Sant-Thei ha Beg ar raz Ez a seiz maouez gand peb gwaz.
Ar hamm a lamm Pa wel an tamm A rae pa wel e wreg A vale Pa wel e vugale A deh pa wel e veh.
An tad a lavar d'e vab: Pa vezi krog ,dalh mad D'he merh e lavar ar vamm Pa vezi krog,degas an tamm.
An hini a vez sod yaouank flamm Dre ma kosa ne furra tamm.
A-hed eur bloavez ar piz A zeu da galedi beb miz.
Dibaot siminal a voged Anez na ve tan en oaled.
Gand kolo hag amzer Aogi' ra ar mesper.
Neb a blant eur wezenn palmez Biken ne danva he frouez.
Neb ' zo boaz da houzañv atao Nebeud a ehan her laouennaio.
Tri veg' zo oh harpa ar bed Beg ar vronn,beg ar zoh Hag eur beg all 'vel ma ouzoh.
Skoed em dorn a dalv din-me Muioh eged daou o vale.
Eul louarn koz hag hen dare Gweled eur yar c'hoaz a garje.
Merh he mamm eo Katell Mar n'eo koulz ne deo ket gwell.
Mab e dad eo Kadiou Pe a-vent pe a-liou.
A-beb liou marh mad A beb bro, tud vad.
Moged a ya em zah N'hellan ket hen nah (La présence de quelqu'un nous irrite )
C'hweh miz deiz,c'hweh miz noz A ra d'an diaoul eur bloaz kloz.
Eur hreunenn re,pe re nebeud alïez O-deus ar penn-her hag ar benn-héréz.
Dañvad kaillaret , peurveuia Ouz ar re all ' glask 'n em frota.
Lavar din gand piou ez ez Me lavaro dit petra rez.
Pa vez ker ar piz E vez ker ar gwiniz.
Eur voualh dezi he beg melen A vev tri oad eun den.
Da foar Paol Kefeleg war an daol.
Peb den ,ma ve kredet A zo eur gwir vignon Ano stankoh n'eus ket Dibaot eo ar galon.
Fae, fae war ar Zaozon Rag tri na kant n'am-be aon.
Digand eur mignon eo gwell kaoud dour Eged gwin digand enebour.
Etre Pask ha Pantekost Ez euz seiz sizun, penn ha lost.
Er bloavez eiz kant nao Ne dalvie ket Breiz Izel neiz eur frao Er bloavez mil eiz kant deg Ne gouske ozah gand e wreg. (Allusions aux guerres de ce temps ).
Etre beza nêt ha boudour N'eus nemed eur berad dour.
Ar boudoudeo a valeo Endra ' vezo daou zen beo.
Kaoud eun dro vrao d'ober eun dra Ne houlenn chom da varhata.
An deiz hirio a dalv bepred Muioh eged an deiz tremenet.
Sevel mintin, kousked abred 'Zegas madou, madou' yehed.
Ouz sorohell leun a avel Den re vrudet a zo heñvel.
Bouh kernaou Staoter en e graou.
An den a gomz,al loen a zo mud Diouz o skiant eo komzou an dud.
Anez ar vamm, ne hell bugel Dond war ar bed,ouz poan herzel.
Kastiz,boued ha deskadurez Tri dra red d'ar bugel bemdez.
N'eo ket a-walh klask difazia Gwelloh eo mired da goueza.
Eur hi koz koz ouz ar jadenn A gousk noz-deiz;ne harz ouz den.
Neb na oar ket steigna griped A gerz en hent heb aon ebed.
Leh ma weler an dud o Tremen Tle beza hent pe wenodenn.
Gand an oll neb a zo karet A zo fur-fur pe heb spered.
Ar boan vrasa eo poan houzoug D'an neb 'zo bet ouz ar groug.
Ouz ar pez ne heller mired Harpa heb klemm gwell a rajed.
Pa rooh,mignon e vezoh Den fall avad pa houlennoh.
Dibaod eur zah ne rank freuza Pa vez Paol Gorneg ouz e garga.
Digarez ar hreñva 'Zo bepred ar gwella.
Ne dremenas den ar Raz N'en-divije aon pe hloaz.
Bouchig mamm, bouchig tad Eun askornig da grignad.
Kuz, kuz , logodenn Ema ar haz a-zioh da benn.
Meur a heñvel a vez er foar Ha n'int na breur na c'hoar.
Pa vez roet e lod d'an oll E rank e honid pe e goll.
Kaerra leo a zo e Breiz A zo etre Kastell Tremazan hag an Treiz (Treiz Plougastell).
Neb a ya da gousked a-benn an noz A zao divlamm antronoz.
Pevar falevarz eur gelienenn ha pemp fubuenn Ne dorro den e zent evid krignad an eskern.
Neb a glask e voh A glev soroh.
Wardro ar moh E vez soroh.
Goude dale E ranker bale.
Pa vezit war bont Landerne N'emaoh nag e Leon nag e kerne.
Re gravad a boaz Re brezeg a noaz.
Gwell eo brud vad da beb-hini Eged kaoud madou leiz an ti.
Lestr ne zent ket ouz ar stur Ouz a reier a yelo sur.
Tra guz da dri neb a lavar Abarz nemeur an oll her oar.
Prena keuneud ' zo re ziwezad Pa vez poent c'hweza er biziad.
En noz e kemere ar siliou Dale a ra vad awechou.
Ar brezoneg hag ar feiz A zo breur ha c'hoar e Breiz.
Beva mervel a zo eun dra D'an neb a zo Doue gantañ.
A-greiz kalon e tleez poania Hag an neñv a zeuio d'az skoazia.
Eur gwir gristen a zo e zever En em rei oll d'ar mad-ober.
Ar vuez vad a bad atao; Ar vuez fall a baouezo.
Pleg da vugel en e yaouankiz Hag hep mar her plegi en da hiz: Yaouankig ,kelenn mad anezañ Ha dalh stard atao warnañ.
Liez a wech vez tiget fall Neb zo boaz da dizoud ar re all.
Lagad eun den pa 'z eo serret Lagad Doue a zo digoret.
Evid plijoud d'an oll Eo dleet beza fur ha foll.
El leh ma vez an dour sioulla E vez an donna.
Bugale vian, Poan bian, Bugale vraz, Poan braz.
An deliou a gouez war an douar Ar gened ivez a ziskar.
Pa vez tro da goll Eo gwell hanter eged oll.
Gand an amzer hag an avel Ez a peb anken war o diwaskell.
Eur farsèrèz a dalv eun all Hag eun dromplezon kemend all.
Goude c'hoarzin e teu gouela Goude c'hoari,huanada.
Pa vezer savet an uhella Neuze e vez al lamm brasa.
Eur penn-ed ma vez heb greun A vo e benn gantañ uhel Ar pennou-ed, ma vezont leun A bleg o fenn bepred izel.
Neb ' zo laouen gand bara zeh A gav da beuri e peb leh.
An hini a zent ouz e benn A zo sotoh eged eun azen.
E peb tra e klask an den Tenna begig e spillenn.
War stad ar re all,neb a gomzo En em zelled hag e tavo.
Den fur abarz ober netra A gemer kuzul da genta.
Ar bugel a drevez ar re goz Ne' z aïo ket d'ar baradoz.
Ar wreg,an arhant hag ar gwin O-deus o mad hag o binim.
Evel ar pennou kolo Ar pennou uhel a zo goullo.
A-viannig ober ar mad A ro nerz war-benn kosaad.
Ar mad kuzet eo ar gwella Eul lagad 'zo a wel peb tra.
Grit hrio ar mad a helloh Warhoaz marteze e varvoh.
Tad ha mamm a zilez bugel A zo daonet a-raog mervel.
Deiz gloar ar bed ar bleuñv a zo Ne gutuiller ket frouez diwarno.
Trehit hirio ho poaziou fall Warhoaz outo stago re all.
Kasit Breiziz mêz euz ho ti Boaziou fall ha nevezenti.
Hanter genta eur vuez fall A zegas poan d'an hanter all.
Beva ervad a zo kalz gwell Eged ne deo klask beva pell.
Kaz da goll enor an nesa 'Zo gwasoh eged e laza.
N'eus bro ebed hag e ve pehed Kaoud truez ouz ar re boaniet.
Na damallit ket ar re all Ma n'oh ket hoh-unan didammal.
Neb a ya buan da-heul e benn Goude fazia e-neus anken.
Anez arhant,gwin ha merhed E ve didrouz an dud er bed.
An disponta rag ar maro Eo ar gwella kristen a zo.
Lezenn ar bed a zo genel Kaoud poan goude mervel.
Tremen er bed a ra an den Evel en êr,eur vogedenn.
An deiz hirio gwech a zegas Eun dra hag a ya gand warhoaz.
Neb a vev fall ne oar mervel Ouz ar maro c'hoarz ar bugel.
Roit d'ar fur bazadou Ha kredit e lavariou.
An dud er bed a zo ganet D'en em houzañv, d'en em gared.
Eürusa den a zo er bed An hini n'eo ket anavezet.
Tavit ha prennit ho kenou Ma n'eo ket fur ho komzou.
Barner a zidamall torfed 'Zo e-unan en em varned.
Ar wirionez anavezet A laka ar gaou da dehed.
Koll brud vad ha gounid eun dra A zo eur holl euz ar re vrasa.
Gouzañv heb klemm ar pez a c'hoarvez A zo louzou mad evid peb enkrez.
Gand unan all ar pez a c'hoarvez A hell c'hoarvezoud ivez ganez.
Ar galon a c'houez gand ar madou A zo dinerz ouz ar poaniou.
Dïesoh eo plega gwezenn Eged ne deo plega korzenn.
Poan er bed-mañ ne deo netra Poan er bed eo ar wasa.
Diouz peb troad n'eo mad peb botez Na da beb gwaz mad peb maouez.
Marh ne zent ket ouz ar hentrou Ra gaou braz ouz e gostou.
An neb a jom er gêr diouz an noz A vez divlamm antronoz.
Re ziwezad skei war ar vorzed Pa vez leusket ar bramm da redeg |
| | | Contenu sponsorisé
| Sujet: Re: Rimadellou....... | |
| |
| | | | Rimadellou....... | |
|
Sujets similaires | |
|
| Permission de ce forum: | Vous ne pouvez pas répondre aux sujets dans ce forum
| |
| |
| |
|