gêrioù ha troioù lâr e "spontailh kerfeg"

er sorbienn "spontailh Kerfeg" ez eus gerioù zo a n'am eus ket klevet konz anezhe biskoazh, moervat hoc'h eus c'hwi ho klevet c'hoazh

Krouibenn: morceau de bois fendu (?)
Seneset : peigné (?)
Geltadenn : hurlement (?)
Helestrigoù : brindilles (?)
Hantiñ : rallonger (?)

N'en deus ket hani anezhe e geriadur Favereau,

Me a lak ozhpenn gerioù ha troioù lâr arall am eus kavet brav pe dibaot, moervat e talvezo deoc'h ivez :

Gouez evel ur c'had : bout aonik
Serrezh ar Gwall-avel : chomel klañv e spered àr lerc'h bout edan e aon. en ur forom arall am eus gwelet e hellhe bout liammoù etre ar "gwallavel" hag ar "chasse Gallery" gall; da welet...
Kemer ar jabl da : prendre la peine de
Donet àr hon arbenn : venir à notre rencontre
tuchant ho pehe spontet : un peu plus et vous auriez effrayé
Met geo : voilà, a vez klevet pasapl e bezhoneg, mes nend ouien ket e oe hañval doc'h "setu"

Salud deoc'h

Menn 'peus klawet/lennet ar gontadenn-sen ? Pezh parlañd y-eo ?

oh ya, ankouc'haet am eus eñ skriviñ, Loeiza ar meliner, "àr bont ar velin",

sell 'ta, gwezhavez e vez "narenn" e lerc'h "pas", ger kozh ? lennegel ? bev c'hoazh ?

Da ma soñj e kreñvoc'h "narenn " aveit "pas", met nam eus ket soñj bout klevet se er(amez ag ar sonennoù.
Parlant Loieza Meliner oa pinvik awalc'h, pa skrive atav...

Ar gaoj "narenn" 'meus pet gwelet get skrivagnerian aräll. Marsen eh vez lâret c'hoazh, mes moarhat ba Gwened Ihuel.

Citation :

ankouc'haet am eus eñ skriviñ

ankouaet 'meus en skriv (pe "er skriv", rhevet ar barrez)
ankouäshaet 'meus en/er skriv

"ankounac'haat" zo ur gaoj diàr Vro Leon, me 'greda.

"hentein, hantein, v.a. allonger, mettre une allonge à"
DBFV - E. Ernault

"hélest, ilestr, pL chènevottes, débris de chanvre, etc."
DBFV - E. Ernault

"senesat, senesein, v. a. regayer, sérancer, nettoyer avec le séran, peigner du chanvre ou du lin. Voir serens."
DBFV - E. Ernault

"krouiben (Pn), creux. Cf. gouribl."
Supplément au DBFV - E. Ernault

"geltad, m., geltaden, f. cri, appel (Lang.)"
Supplément au DBFV - E. Ernault

er skriviñ, rhaaa, tapet on bet arre ! é trenaouiñ e oen etre an daoù en abeg d'ar verb "kaout" just kent..

Ya gwir, pinvig mor eo yezh Loeiza !mersi bras deoc'h aveit bout reskontet din !

Citation :

er skriviñ, rhaaa, tapet on bet arre ! é trenaouiñ e oen etre an daoù en abeg d'ar verb "kaout" just kent..

Ya mes ar raganvoù "eñ, hi, hè" a vez impliet 'tre ar verb kaout hag an hanv-gwann-verb : m'meus eñ kaset (ha ba "kaset 'meus eñ" ivez).

Ba ho frazenn, "er/en" zo renadenn an hanv-verb "skriv", an dra-sen zo kaoz n'eo ket ar mem struktur tamm a-grenn.
Renadennoù an hanvoù-verb zo : ma, ho, er/en, he, hon, ho, o (eit lâret, an hanvoù-gwann posesiv, namaet "er/en").

Mod aräll, ma 'pehe ket gouiet, so moaiand telecharjiñ petremant zellet doc'h geriadur Ernault barzh-ãze : http://www.archive.org/details/bretonvannes

Oh !! ag ar choej ! nend ouien ket e hellher er pellgargiñ a barzh an internet anezhoñ ! Mersi bras !


A benn lakaat sklaer an traoù :

reskont e gwenedeg :

goulenn kadarn----------- goulenn nac'h

dibouez / pouez ---------- dibouez/pouez

ya / ya'vat; ha+vb---------- nann/ nann da; na ne+vb

pas / narenn; gac'h (?)----- geo


"na+vb" (na ne rin !) a hell marsé bout e pep stumm nac'h a benn ar fin.
Sur erwalc'h ne vezont ket impliet partout ha get bloc'h an dud, nend ouian ket ma "ha+vb" a vez impliet ba Bro Gwened avat.

Citation :

goulenn kadarn----------- goulenn nac'h

dibouez / pouez ---------- dibouez/pouez

ya / ya'vat; ha+vb---------- nann/ nann da; na ne+vb

pas / narenn; gac'h (?)----- geo

Ba ma bro :

ya / dam ya, ya'hat, ya'hadik -------------nann / dam nann, nann'hat, nann'hadik

pas (moaiand a vehe skriv "pa" ke an s ne vez ket distaget barzh-amañ) / dam pas, pas'hadik... ----------------- geo, dam geo, geo'hadik...

moaiand so tolpiñ anezhe ivez : dam nann 'hadik, dam geo'hat...