Dialogue Breton entre "débutants".

salut deoc'h

wouaouh ! pegen fentus eo !


Met 'm eus ket komprenet mad ar farsadenn ...

peta 'feus ket komprenet ?

Peräk 'kavet farsus ma 'peus ket komprenet mat ?

ma,'m eus ket komprenet mad ar farsadenn etre "k-way" ha "burqa" !

"pegent fentus eo" : mousgoap eo ! Hag ar skeudennoù'zo eun tamm farsus.

Le breton c'est une langue ou un dialecte?

Eur yezh eo 'vel-just !!!

C'est une langue à part entière (au même titre que le français, l'allemand ou l'anglais).
Mais elle est répartie en 4 dialectes : le vannetais, le cornouaillais, le léonnard et le trégorois.

Une langue n'est qu'un groupe de dialectes de toutes façons, y compris l'anglais, l'allemand, l'espagnol... les gens parlent toujours différemment selon les régions, ce qui ne les empêche pas de se comprendre pour autant.

Biensûr, c'est évident !

C'est pas évident pour tout le monde...

N'eo ket gwall zedennus ho kaozadenn. Ne ran foutre kaer gouzout ma'z eo Brezhoneg ur yezh pe ur rannyezh. Ar pep a-bouez-brasañ eo d'ober gantañ...en ur baouez kaozeal e galleg !

Ya, me 'gomprenn ac'hanout,
med pa 'choulenner un dra e galleg diganomp, talvezet eo ne gomz ket e brezhoneg an den.

Ha n'eus den ebet hag a laka eun droidigezh dindan e destennoù e brezhoneg...

eta, pe gompzer e brezhoneg pe gomzer e galleg, med n'eus gwech ebet ar re zaou !

Ha neuze !?! N'omp ket rediet respont e c'houlenn. Kalz a blas a zo amañ evit ober goulennoù e galleg. Da skouer : e MP. Ouzhpenn se, fae eo ganin ha gant ur bern brezhonegerien ober un droidegezh e galleg evit pep testenn skrivet e brezhoneg...

Ma'z eus unan bennak ha na vez ket kontent, memes tra'z eo. Er mod-se emañ ha n'eo ket mod all, nondedie !

Ken ar c'hentañ.

un diover a gaozioù e brezhoneg zo àr ar forom-mañ gwir eo met àr ar rouedad dre-vraz ivez;

lakamp, ar re a oui an okitanieg o deus foromoù aveit skriviñ a ziàr ar sinema, an arzoù, istoer, politik ha tra... aveit ar brezhoneg avat : netra !

Perak ? pezh a zo sur nend eo ket sikour mar deleer treiñ razh e galleg...

An dud 'oa krog da skrivañ e galleg amañ abalamour 'noa skrivet Mouss ur goulenn e galleg...

Citation :

un diover a gaozioù e brezhoneg zo àr ar forom-mañ gwir eo met àr ar rouedad dre-vraz ivez;

lakamp, ar re a oui an okitanieg o deus foromoù aveit skriviñ a ziàr ar sinema, an arzoù, istoer, politik ha tra... aveit ar brezhoneg avat : netra !

Perak ? pezh a zo sur nend eo ket sikour mar deleer treiñ razh e galleg...

Perak? Peogwir ar re zo 'tiskiñ brezhoneg pe ar re 'oar kaozeal brezhoneg war internet 'rant ket 'met kaozeal deus ar brezhoneg petramant deus politikerezh! Nompas deus traoù all, setu n'eus ket foromoù brezhonek diwar-benn sujedoù all Brezhonegerien ar web n'int ket kap da gaozeal deus traoù all anezhe !

Troc'herkaol > gij 'vez lâret ba Bro Bidar : ma n'oc'h ket kontant, 'peus ken lak ho piz var ho pouton !

ar vretoned a blij dezhe konz ag ar politik, ya, e galleg avat...
Marsé nend eus ket kement a dud tre da gomz a zivout kement tra e brezhoneg. Perderiiñ e brezhoneg a hell bout gwall ziaes aveit e leizh ac'hanoc'h (ha me en o zouezh)

Trugarez deoc'h evit ho tro-lavar, Quevenois. Delc'her a rin soñj...

Kompren a ran ar pezh vez lavaret ganeo'ch met amañ ur gaozeadenn evit an deraouerien eo. Daoust hag e vez fur kregiñ gant ar gwenedeg ? O farsal emaon, giz just. Marteze ez eus tud hag a zo deraouerien war ar gwenedeg ivez...

C'hwi 'zo o lavar dimp n'eus nemet kaozeadennoù politikel hag a blij d'ar vrezhonegerien. N'emañ ket ar gwir ganeoc'h, paotred. Dec'h da noz e oan gant Serge Plenier, ha hennezh a gomze diwar-benn ar brezhoneg a veze komzet er c'hwec'hvet kantved .

Gouzout a ouiec'h e oa "Irha ema in ri" ar werzenn goshañ adkavet e brezhoneg ? Ar werzenn-se a vefe troet "Amañ emañ ur roue" e brezhoneg a-vremañ. Hag hi neus bet kavet war ur vez. Alan Botrel neus graet ur barzhoneg diwar he fenn...diaes-kenañ !

klevet am eus komz ag an dra-se ya, (get ar memb paotr), e Bro an Alre ema ar bez 'gav din. E pad pell o deus kredet an dud e oe latin en abeg d'an "inri".N'am eus ket mui soñj ag ar roue bet interet aze avat, Waroc'h ?

Lennet ac'h eus skridoù Botrel ? mignoned din o deus lâret eo luziet da lenn ivez

Citation :

Kompren a ran ar pezh vez lavaret ganeo'ch met amañ ur gaozeadenn evit an deraouerien eo. Daoust hag e vez fur kregiñ gant ar gwenedeg ? O farsal emaon, giz just. Marteze ez eus tud hag a zo deraouerien war ar gwenedeg ivez...

'Oa ket e brezhoneg Gwened 'ni eo 'moa skrivet ahe, e brezhoneg Kerne 'ni e oa

Citation :

C'hwi 'zo o lavar dimp n'eus nemet kaozeadennoù politikel hag a blij d'ar vrezhonegerien.

D'ar vrezhonegerien a teu var internet. Pas atav d'ar re all. Ar vrezhonegerien a-vihanik 'vent ket intereset tout ga'r politikerezh anezhe. Ar re a anavezoñ-me 'ra foutr deus an dra-he - 'neuint ket tamm fiziañs bar bolitikerien (na me ue !)

Citation :

Gouzout a ouiec'h e oa "Irha ema in ri" ar werzenn goshañ adkavet e brezhoneg ? Ar werzenn-se a vefe troet "Amañ emañ ur roue" e brezhoneg a-vremañ. Hag hi neus bet kavet war ur vez. Alan Botrel neus graet ur barzhoneg diwar he fenn...diaes-kenañ !

N'eo ket ur werzenn 'ni eo, mes ur frazenn zo bet skrivet var ur bez, din da c'hoût. "ema" zo ur stumm nevez a-walc'h, me 'ba'i, me 'gred la oa bet skrivet un dra all e gwirionez, n'ouzon ket ken petra. E brezhoneg krenn vije lennet "ez ma", setu ma yec'h pelloc'h c'hoazh ban amzer 'kavfoc'h traoù disheñvelloc'h c'hoazh (cf kembraeg "y mae"). Ar rannig "e(z)" a oa "i(t)" en amzer-se, a gav din.
A. Botrel a blij dezhoñ ar gerioù nevez (pe ar gerioù kozh-bras, ankouaet pell'zo, ha digaset a varv da vev), setu n'on ket souezhet la vefe diaes da gompren.

http://fr.wikipedia.org/wiki/Vieux_breton

Sur arwalc'h, ar gerioù a zo stag etreze àr ar bez "irhaimainri", gwell eo o distagiñ en un doare arall : irha i ma in ri ?
nend ouian ket netra àr fed an Henvrezhoneg. (ha gout a rit mard ez eus ur levr bennak a zivout ar predenneg ?)

Mard eo bet skrivet an dra-se er pempvet kantvet e telehe bout hañval doc'h ar predeneg (brittonique) hama ?
Ha tre omp da welet mard eo predeneg pe galianeg ? Bez Pluvergat (nebell hag e galianeg) a hellhe bet savet kenkours (etre an II hag ar V vet kantvet, hrevez an dud o deus eñ studiet)...

Citation :

Sur arwalc'h, ar gerioù a zo stag etreze àr ar bez "irhaimainri", gwell eo o distagiñ en un doare arall : irha i ma in ri ?

ya, mod-se eh oe, merhät.

Citation :

nend ouian ket netra àr fed an Henvrezhoneg. (ha gout a rit mard ez eus ur levr bennak a zivout ar predenneg ?)

ziàr-benn ar "predeneg", diñ da ouiet n'eus ket netra, mes traoù zo ziàr-e-benn ba liour K. Jackson "A Historical Phonology of Breton" -- keñver fonoloji... An den 'ouia ket kalz a dra ziàr-benn ar langaj-sen.

Citation :

Mard eo bet skrivet an dra-se er pempvet kantvet e telehe bout hañval doc'h ar predeneg (brittonique) hama ?

sañset, mes ar bempet kantvlezad 'oe an amzer eh oe waet an deklinezonoù da goll. Marsen eh vehe pet chomet rhelegoù a'n dra-sen ba ur frazenn gravet mod-se : irha i ma in ri.
Marsen "in ri" a vehe pet ba ur form koshoc'h bar c'hantvlezad-sen. Normalemant "in" (ar ger-mell) a oe "sindos" en amzer gozh. Eido-miñ ar frazenn-sen zo breton kozh, neuzen me 'gava drol ema pet skrivet bar Vet kantvlezad... me 'lârehe ema nevehoc'h.

Ya, gwir eo, Quevenois, n'eo ket ur werzenn. Pardonit din, mar plij

Setu, evit ho plijadur, pe, da vihanañ, ma hini, barzhoneg Botrel.

Citation :

Irha ema in ri

Komz an dar e tav ar bez.
Pe henour ennañ o c’hourvez?
Skeud na roud na hirvoud hez.

Tra ne van e kleuz an arc’h
eus kedern un hen diernac’h
nag a’r ri, n’e veli arc’h.

Pe da goun, ar gerioù noazh,
’vel dargan yezh wan hon annoazh?
Kavell. Bac’h. Ha bez arc’hoaz.

C’hwezh an netra, gleb, er c’havell;
hun an hoal en teñval trell.
Ned eus heklev ‘met tevel.

An dra dedennus-kenañ er barzhoneg-se eo ar fed e implij Botrel gwerzenn gozh an henvrezhoneg -gant enklotennoù-. Deuit tostoc'h ha c'hwi wello anezhe :

Citation :

Komz an dar e tav ar bez.
Pe henour ennañ o c’hourvez?
Skeud na roud na hirvoud hez.

N'ouzon ket ma'z eus levrioù zo a-zivout an henvrezhoneg. Met, d'am soñj, peogwir eo skrivet traoù diwar he fenn e levr Serge Plénier embannet-nevez e tle bezañ levrioù sirius a-zivout yezh tudoù hon tudoù.

Quevenois a écrit:

'Oa ket e brezhoneg Gwened 'ni eo 'moa skrivet ahe, e brezhoneg Kerne 'ni e oa

Gouzout a ouzon a-walc'h met alies-tre e vez implijet ganeoc'h ur brezhoneg diaes da lenn. Perak ober gant brezhoneg bro Bourlet en ho toare skrivañ ?

Kompren a ran e vez implijet stummoù ranyezhel ar brezhoneg en ur gomz. Ha se 'zo mat, d'am soñj. Ne gomprenan ket perak ober gantñ en ur skrivañ, avat. Se 'zo abafus ha digalonnus evit an deraouerien egiston.

Citation :

Gouzout a ouzon a-walc'h met alies-tre e vez implijet ganeoc'h ur brezhoneg diaes da lenn.

diaes da lenn? Abalamour da betra?

Citation :

Perak ober gant brezhoneg bro Bourlet

"brezhoneg ar Vro Pourlet" a vez lâret

Citation :

en ho toare skrivañ ?Kompren a ran e vez implijet stummoù ranyezhel ar brezhoneg en ur gomz. Ha se 'zo mat, d'am soñj. Ne gomprenan ket perak ober gantñ en ur skrivañ, avat. Se 'zo abafus ha digalonnus evit an deraouerien egiston.

Ne gomprenan ket perak nompas ober gantañ en ur skrivañ, surtout ba testennoù informel evel war ur forom. N'emaomp ket é skrivañ ur romant pe ur pennad kazetenn.
War ar foromoù an dud a skriv e-giz e kaozeont peurvuiañ, ba n'eus forzh peseurt yezh. 'Peus ket gwelet foromoù e saozneg? Pe e yezhoù all? Ar memes tra 'vez graet.
N'eo ket souezhus e vefe diaes evit ar re zo krog da zeskiñ (ba n'eus forzh peseurt yezh), peogwir int krog da zeskiñ, just a-walc'h. A-wechoù 'po poan da gompren brezhoneg standard ivez, ma vez implijet gerioù ha troioù-lâret ha n'anavezoc'h ket. Mes deskiñ a rafoc'h ha buan a-walc'h e komprenfoc'h tout pezh a skriv an dud. Mat eo 'n em gustumiñ deus tout ar parlañchoù, mod-se e komprenfoc'h anezhe tout. Ma ne weloc'h ken met brezhoneg standard, bep gwech pa welfoc'h pe pa glevfoc'h ur brezhoneg all, 'gomprenfoc'h ket peogwir 'vefoc'h ket kustum !

Ha n'eo ket ur gudenn doare-skrivañ, 'vel a skrivoc'h, peogwir e ran-me gant ar peurunvan. Pezh zo disheñvel eo ar stummoù (formes grammaticales) ha gerioù zo, mes pas kement-se ar feson ma skrivan anezhe, peogwir ne cheñchan ket kalz a dra en doare-skrivañ, nemet skrivañ ä a-wechoù...
Kaer 'meus bet adlenn pezh 'moa skrivet, 'meus ket kavet kalz a dra ha vefe diaes da anavezo... Gall' a rec'h lâret din pezh ne gomprenoc'h ket?

Ma ! Gwir eo emañ ma brezhoneg war e wellaat. Ha neuze, klasket meus skouerioù e lec'hioù all. Lavaret eo e oa diaes din kompren ho toare skrivañ met bremañ n'eo ket ken diaes ha ma'z e oa. Met evit an deraouerien, ur frasenn evel-se 'zo diaes :

Citation :

Ya, hennezh zo diàr Ste-Tréphine. Normalemant e kaoja ar parlañd-se, mes marsen a-wezhadoù e chañcha e barlañd rhevet an den zo a-fas dezhoñ (radio...). Re: Brezhoneg Bro Fañch Mar 9 Fév - 1:59

Daoust hag-eñv e skrivomp : "je swi fatigé de votr ton d1kiziteur é 2 votr fors d'inerçi" pe "jeu souhi fâtiguay deu vostreu ton d'hinquisitoeur het deu vostreu forsse d'inerssie" ? Ne reomp ket. Ha perak ? Evit bezañ komprenet gant an dud all...

Pa ran fazioù, c'hwi 'zo an den kentañ da reiñ alioù. Ma'z eo possubl skrivañ evel hon eus c'hoant d'ober, petra 'zo kaoz hoc'h intampi ?

A-hend-all, war a seblant, c'hwi hag Ostatu 'zo mailh war ar brezhoneg met ne rit ket met skrivañ e galleg. Ha gwelloc'h vez tud o teskiñ en ur ober fazioù evit tud barrek ha na implijont ket hor yezh. Ar pal da dizhout eo reiñ d'ar re all ar c'hoant da zeskiñ ha d'ober gant ar brezhoneg. Ouzhpenn se, chom hep komz pe skrivañ ne servij da netra. Komz ha skrivañ a servij d'en em varrekaat, memes gant fazioù. Kompren a rit ?